Жаңалықтарды Telegram арнамыздан оқыңыз!Павлодардың іргесіндегі Балдаурен оқу-сауықтыру орталығында коммуналдық апат болып, демалып жатқан балалар аяқ асты үйлеріне қайтарылды. Бүгін таңғы 5-тің шамасында жылу жүйесі істен шығып, қысым төмендеп кеткен.
Лагерьде демалып жатқан 86 баланың барлығы тез арада Павлодарға жеткізілді. Қалған демалыс күндерінің ақшасы ата-аналардың шотына қайтарылады, – деп хабарлады білім басқармасының өкілдері.
Қазір апат болған аумақ тексеріліп, жөндеу жұмыстары басталған. Бұған дейін бала құқықтары жөніндегі уәкіл Сәуле Шәкенева ата-аналардың шағымы бойынша орталықтың жағдайын барып көрген. Сол кезде де ғимараттың іші суық, ұялы байланыс болмаған.
