Жаңалықтарды Telegram арнамыздан оқыңыз!Ақтаулық студенттер Саура шатқалын қоқыстан тазартты. Саура шатқалы – Ақтау қаласынан 100 шақырым жерде, Каспий теңізінің шығыс жағалауындағы өте көркем жер. Мұнда демалушылар қысы-жазы келеді. Жалпыұлттық «Таза Қазақстан» экоакциясы аясындағы сенбілікке алпысқа жуық студент қатысты. Олар таңсәріден шатқалдың аумағын тазалап, жиналған тұрмыстық қалдықтарды полигонға жөнелтті.
Аида Сәрсенбай, студент:
Келесі жазға әдемі табиғатты одан сайын әдемі қылып көрсету үшін осында қоқыстарды жинаумен айналысып жатырмыз. Бізге өзіміздің Маңғыстау облысы өте қатты ұнайды. Біз оны аялап ұстағымыз келеді. Саурамен ғана шектелмей басқа да жерлерді алып, Бозжыра немесе Шерқала бар, өзіміздің теңіз жағасын барлық жерлерді тазалау керек деп ойлаймын.
Аягөз Оралбайқызы
