Жаңалықтарды Telegram арнамыздан оқыңыз!Ұлтқа тән қасиеттер жастардың арасында ұмытылып барады. Сол үшін бастауыш сынып оқу бағдарламасының 50% әдет-ғұрып пен салт-дәстүрді қамтуы керек. Мұндай ұсыныс «Ардагерлер ұйымы» республикалық қоғамдық Орталық кеңесінің кеңейтілген отырысында айтылды. Бас қосқандар білім беру ұйымдарында қандай өзгерістер енгізу керегі жайын да талқылады. Сонымен бірге өскелең ұрпақты отаншылдыққа баулу, патриоттық сезімін ояту мәселесі де сөз болды.
Кенжехан Төлебаев, Шымкент қалалық ардагерлер кеңесінің төрағасы:
Оқу бағдарламасын тек өзіміздің ұлтқа тән әдет-ғұрып, дәстүрді үйретуді қолға алсақ деген ұсынысымыз. Бұл қайда бар десеңіз, мұндай тәжірибе жапон халқында бар. Екінші ұсынысымыз жоғары сынып балаларына арнайы «Ұлттық әдебиет» деген пән ұйымдастырылса. Ондағы мақсат өзімізге ұлтқа тән қасиеттерді, әсіресе жоғары тұлғалы азаматтарды тәрибе беру мақсатында осындай әдебиет ұйымдастырса деген ұсынысымыз бар.
Асылбек Данияр
