Жаңалықтарды Telegram арнамыздан оқыңыз!Павлодар іргесіндегі Кенжекөл ауылындағы отбасылық үлгідегі балалар үйінде спорттың үш түрі бойынша тегін үйірме ашылды. Жаңа залдар жабдықталды. Бұған демеушілер қолдау білдірген.
Ал Олимпиадалық спорт түрлерін таңдап, жоғары дәрежелі бапкерлердің жұмыс істеуіне облыстық спорт басқармасы ұйытқы болып отыр. Яғни, балалар кәсіби түрде жаттығады. Ал, жоғары жетістікке жетіп, үлкен спорттан үміт күттіретіндеріне мектеп бітірген соң спорттық мамандықтар бойынша жоғары оқу орындарына түсуге көмек көрсетіледі.
Азамат Имашев, Павлодар облыстық дене шынықтыру және спорт басқармасының басшысы:
Бұл бізде балалар қалашығында ашылып жатқан спорт секциялары, бұл олимпиадалық секция түрлері, дзюдо, бокс және тоғызқұмалақ. Бұл проект бізде пилоттық жоба. Себебі бұл тек қана секция түрлері ғана емес бұл балалар әрі қарай мектепке, колледжге түсіп өз жолдарын спортта ашады.
Болат Аманбаев
