Жаңалықтарды Telegram арнамыздан оқыңыз!
Қазақстан Орталық Азиядағы ең ірі ауылшаруашылық өнімін өндіруші мемлекет тізімінен шығып қалуы мүмкін. Елдегі 183 млн жайылым жердің 15%, яғни 27,1 МЛН гектары деградацияға, 90 млн егістік жер эрозияға ұшыраған. «Бұлай жалғаса берсе топырақ құнарлылығы төмендеп, ауыл шаруашылығы әлеуетінің нашарлауына алып келуі ықтимал»,- дейді мамандар. Сондықтан, аграрлық салада ағарту жұмыстарын жүргізу керек деп санайды. Қазір топырақты қорғау туралы заң жобасы дайындалып, ұсыныстар мен зерттеу қортындылары талданып жатыр.
Жаңыл Бозаева, БҰҰ Азық- түлік және ауылшаруашылық бағдарламаларының үйлестірушісі:
Қожалықтар жерді құнарлылығын төмендету үшін жұмыс істемейді ғой. Ол неғұрлым көп тамақ алу үшін жұмыс істейді. Бірақ, қандай зиян тиюі мүмкін екенін білмейді. Сондықтан оларға тренинг жүргізу керек, оларға көп білім беру керек. Мысалы сортаңдану деген не деп 30-45 жастағы адамға сен мынаны дұрыс істеп жатқан жоқсың десең, ол тыңдамайды. Олар өмір бойы осылай жұмыс істеп жатыр. Сондықтан біз оларға инфографика ретінде, мультфильм ретінде көрсетеміз.
Серік Жұмабек
