Жаңалықтарды Telegram арнамыздан оқыңыз!Түркістанда Бекзат Саттарханов атындағы спорт кешені ашылды. Онда жеткіншектер бокс, қазақ күресі, грек-рим сияқты спорттың ондаған түрімен айналыса алады. Яғни жаңа орталықта күрес, таеквондо, каратэ, үстел теннисі жаттығу залдары бар. Республикалық және халықаралық жарыстарды өткізіп, балалар спортын дамытуға мүмкіндік мол. 300-ден астам жанкүйер сиятын көрермен залы, жаттығу орындарымен қамтылған.
Кешеннің ашылу салтанатында Бекзаттың анасы Сырлыкүл Саттарханова сөз сөйлеп, игі іске мұрындық болған азаматтарға алғысын жеткізді. Өзінің ұлындай чемпиондар шығатынына сенім білдірді. Жаңа нысанның құрылысына 2,7 млрд теңге жұмсалған.
Бақтияр Артаев, Олимпиада чемпионы:
Еліміздің елдігін көрсетіп, осындай батырларымыздың атынан үлкен сарай соғылып жатыр. Осы жерден талай Бекзаттар шығады деген сенімдемін, білемін. Осы тұрған жігіттердің барлығы соған лайықты.
Айнұр Әбілқасымқызы
