Жаңалықтарды Telegram арнамыздан оқыңыз!
Биыл ішкі туристер саны 562 мыңға артып, 6 млн-ға жетті. Ақпарат үкіметтің ресми парақшасында жарияланды. 1 жылда елімізге шетелден 11 жарым млн турист келген. Бұл былтырғымен салыстырғанда 2 есе көп. Осылайша туризм саласы бойынша елімізге 1 жылда 224 млрд теңге кіріс кірді. Сондай-ақ биыл Қазақстанда қашықтан жұмыс істейтін туристер үшін Neo Nomad визасы енгізілді. Жоба шетелдіктерге Қазақстанның мәдениеті мен тұрмысын жақынырақ тануға мүмкіндік береді. Визаны жылына 500 адам алып, экономикаға шамамен 3,6 млрд теңге түседі деген болжам бар.
Бұдан бөлек, биылғы жылды Қытайдағы Қазақстандық туризм жылы деп жариялау да саланы дамытуға ықпал етті. Қытайдың ірі қалаларында 30-дан астам іс-шара ұйымдастырылды.
Аида Ахметбек
