Жаңалықтарды Telegram арнамыздан оқыңыз!Қазақстан мен Өзбекстан арасын байланыстыратын алғашқы «Жібек жолы» пойызы сапарын бастады. Темір жол туры «Алматы — Түркістан — Ташкент — Самарқанд — Шымкент — Алматы» бағыты бойынша жолға шықты. Бес күндік халықаралық маршрут саяхатшыларға көне қалаларды аралатып, екі елдің рухани мұрасымен танысуға мүмкіндік береді. Жүрдек пойыз бүгін Түркі әлемінің рухани астанасы Түркістанға келіп тоқтады. Демалушылар алдымен ескі Отырар қаласына барып, оның тарихымен танысты. Одан соң Арыстан баб, Қожа Ахмет Ясауи сынды киелі орындарды аралады. Туристік пойыз бүгін түнде Өзбекстанға жолға шығады. Еске салайық, бұл жоба Мемлекет басшысының туризмді дамыту жөніндегі тапсырмасына сәйкес «Қазақстан темір жолы» Ұлттық компаниясының ұйымдастыруымен жүзеге асырылып жатыр.
Ақбота Дәурен, «Kazakh tourism» ұлттық компаниясының өкілі:
Турдың мақсаты - екі ел арасындағы байланысты нығайту. Туристтер санын арттыру. Біз бүгін Түркістанға келдік. Ертең Ташкент, Самарқандқа барамыз. Одан соң Шымкент, Алматымен аяқтаймыз. Мұндай турлар алдағы уақытта да жалғасын табады. Келесі турды наурыз айына жоспарлап отырмыз.
Ернұр Медет
