Жаңалықтарды Telegram арнамыздан оқыңыз!Еліміздің бірнеше аймағында боран соғып, жолда қалғандар құтқарылды. Жамбыл облысының Қордай ауданында жүргізушілер жол жабылғанына қарамастан, блок бекетті айналып өткен. Бірақ қар құрсауында қалып, амалы таусылған жолаушылар көлікте орнатылған құтқару батырмасын басқан. Төтенше жағдай қызметкерлері жедел жетіп, 5 адамды алып шықты.
Ал Солтүстік Қазақстан облысында жолда қалған 24 адам құтқарылды. Ғабит Мүсірепов ауданда құтқарушылар 7 көліктегі адамдарды қауіпсіз жерге алып шықты.
Жетісу облысында 25 балықшы құтқарылды
Жетісу облысында да төтенше жағдайлар департаментінің қызметкерлері 25 балықшыны құтқарды. Алакөлде мұз жарылып, олар өз күшімен жағаға жете алмай қалған. Мамандар арнайы қайықпен балықшыларды аман-есен жағаға жеткізді.
Данияр Әлімқұл
