Жаңалықтарды Telegram арнамыздан оқыңыз!Алматыда гендерлік теңдік, авиациядағы әйелдердің мүмкіндіктерін кеңейту мәселесі бойынша семинар өтті. Әуе кемесін басқарып, биікті бағындырған ұшқыш қыз-келіншектер тәжірибесін бөлісті. Жалпы әлем бойынша әуе компанияларда ұшқыш әйелдердің үлесі шамамен 6 пайыз. Елімізде 1 500-ге жуық ұшқыштың 34-і қыз-келіншек. Авиация саласының техникалық құрамында қазір 400-ге жуық әйел жұмыс істейді. 2000-нан аса бортсерік бар. Десе де қауіпті саланы таңдайтын қыз-келіншектер саны жылдан жылға артып келеді дейді сала мамандары.
Ажар Несіпбаева, ұшқыш:
Ұшақ басқару оңай жұмыс емес. Десе де мен авиация саласын ерекше жақсы көремін. Жұмыстың ауырлығына қарамай, мамандығымды жүрегіммен таңдадым. Осы уақытқа дейін әуеде 1 600 сағаттан аса уақыт ұштым. Бәрі білім, тәжірибемен келді.
Айдана Қуантхан
