Жаңалықтарды Telegram арнамыздан оқыңыз!Израиль армиясы Газа секторында "Хамас" тобының нысандарын қайта шабуылдай бастады. Израиль премьері Биньямин Нетаньяху мен қорғаныс министрі Исраэль Кац әскерилерге шабуылды қайта бастау туралы тапсырма берген. "Би-Би-Си"-дің мәліметінше, Израиль шабуыл бастамас бұрын АҚШ президенті Дональд Трамптың әкімшілігімен кеңескен. "Рейтер"-дің мәліметіне сай, шабуылдан 100 адам қаза тапқан. Арасында балалар да бар. 150-ден астам адам жараланған. Бұл 19 қаңтар күні күшіне енген бітімнен бергі ең жойқын шабуыл. Атысты тоқтату келісімінің бірінші кезеңі 1 наурыз күні аяқталды. Алайда тараптар келісімнің екінші кезеңін бастау үшін ортақ мәмілеге келе алмай отыр. Шабуылды қайта бастаған Израиль "Хамас" кепілдегілерді босатудан бас тартып отыр деп мәлімдеді.
Арай Төлегенқызы
