Жаңалықтарды Telegram арнамыздан оқыңыз!Шымкенттегі көпқабатты үйлердегі лифттің дені әбден тозған. Сондықтан жиі бұзылады. Колл орталыққа тұрғындардан былтыр 800-ден астам арыз-шағым түскен. Бір жыл бұрын ішінде 8 адамы бар лифт кабинасы 9 қабаттан төмен құлдилап, жертөлеге құлаған болатын. Бұл апаттан адамдар аман қалды. Жалпы мегаполистегі еңселі ғимараттарға 1 235 жеделсаты орнатылған. Былтыр 28 лифт кабинасын ауыстыру жоспарланғанымен оның үштен бірі ғана жаңартылды. Шаһарда лифт жөндейтін және оны орнататын мамандар да тапшы.
Сәрсен Құранбек, қала әкімінің орынбасары:
Осыған қатысты кешенді жоспар құрып жұмыс атқарып жатырмыз. Осы жылдың аясында жоспарлап құрып, болашақта осы лифт жөндейтін, пайдалануды жүзеге асыратын мамандарды да оқытып даярлауды қолға алып отырмыз.
Ғани Қалмаханов
