Жаңалықтарды Telegram арнамыздан оқыңыз!Қазақстан мен Қытай арасындағы өзара іс-қимылдың негізгі аспектілері. Бүгін палата жанындағы сарапшылар талқылаған тақырып осы. Отырыста Сенат спикері Мәулен Әшімбаев төрағалығық етті. Ал Қытай Коммунистік партиясы Орталық Комитеті Халықаралық байланыстар бөлімінің меңгерушісі Лю Цзяньчао мейман ретінде қатысты. Басқосуда көлік және логистика инфрақұрылымы, жаңартылатын энергия, білім беру, мәдениет, туризм салаларындағы бірлескен жобалар сөз болды.
Мәулен Әшімбаев, ҚР Парламенті Сенатының төрағасы:
Соңғы 30 жылда Қазақстан мен Қытай арасындағы қарым-қатынас мәңгі әрі жан-жақты стратегиялық серіктестіктің бұрын-соңды болмаған деңгейіне жетіп, жаңа тарихи кезең – «алтын отыз жылдыққа» қадам басты. Ең алдымен бұл – біздің мемлекеттеріміздің басшылары арасындағы тығыз және сенімді диалогтың нәтижесі. Күш-жігерінің арқасында екіжақты диалог тың серпінмен дамып келеді. Дәстүрлі бағыттардан бөлек цифрлық технологиялар мен жасанды интеллект саласы ерекше қызығушылық тудырып отыр. Біз осы бағытта да өзара ынтымақтастықты кеңейтуге мүдделіміз.
Темірлан Нұрсолтанов
