Жаңалықтарды Telegram арнамыздан оқыңыз!Қазақстандық кәсіпқой боксшы Жәнібек Әлімханұлы титулдық жекпе-жегі алдында мәлімдеме жасады. Х әлеуметтік желісіндегі парақшасында: «5 сәуір күні қарсыласын нокаутпен жеңемін», - деп жазған. Отандасымыз кезекті рет орта салмақтағы IBF және WBO нұсқалары бойынша әлем чемпионы титулын қорғайды.
Француз спортшысымен болатын кәсіпқой бокс кеші Астанада «Барыс Арена» спорт кешенінде өтеді. Дәл осы күні шаршы алаңға Жәнібектен бөлек тағы 5 боксшымыз жұдырықтасады. Билеттер сатылымда. Арзаны – 20 мың теңге болса, ең қымбаты 225 мың теңге.
Көктемнің басты кәсіпқой бокс кешін «Qazaqstan» және «Qazsport» телеарналары тікелей эфирде көрсетеді. Айта кетейік, жерлесіміз бұған дейін 16 жекпе-жек өткізіп, бәрінде жеңіске жеткен. Анауэльде де жеңіліс жоқ. Ал қазір «Qazaq style» атымен әлемді аузына қаратқан Жәнібек Әлімханұлының жеңісті сәттеріндегі кадрларын назарларыңызға ұсынамыз.
Асылбек Данияр
