Жаңалықтарды Telegram арнамыздан оқыңыз!Қазақстанда уақытында салық төлемегендерге қатысты шаралар өзгереді. Борышкерлерден мәжбүрлеп ақша өндіру тетіктері жаңа Салық кодексіне ұсынылды. Қазіргі заңнамаға сәйкес 1 теңгеден артық қарызы болса, өндіріп алу жұмыстары жүргізіле береді. Ал 6 айлық есептік көрсеткіштен жоғары берешегі барларға шара қатаңдатылады. Жаңа кодекс жобасында борышкерлер 3 санатқа бөлінеді. Қарызы 20 айлық есептік көрсеткіштен аз адамдарға ескерту жіберіліп, өсімпұл есептеледі. 20 мен 45 айлық есептік көрсеткіш аралығында болса, шотына шектеу қойылып, ақшаны мәжбүрлі шешіп алу тәсілі қолданылуы мүмкін. Ал 45 айлық есептік көрсеткіштен көп берешегі барлардың мүлкіне шектеу қойылып, оларды сату, шетелге шығуына тыйым салу, банктік шотынан ақшаны шешіп алу шаралары жүргізіледі.
Қайсар Арын, Қаржы министрлігі мемлекеттік кірістер комитеті өндіріп алу басқармасының басшысы:
Осы амалдардың бәрі егер өндіріп алуға жеткізбесе, салық қарызы сонда да төленбесе, салық есебі бойынша салық қарызы үлкен болып шыққан жағдайда біздің сот органдарына жүгінуге құқығымыз бар. Яғни банкрот деп тану немесе салық төлеуші өзі жүгініп, оңалту шарасын қолдануға, салық қарызына өзгерістер енгізуге өзінің құқығы бар.
Оңғар Алпысбайұлы
