Жаңалықтарды Telegram арнамыздан оқыңыз!Олжас Бектенов Түркі мемлекеттері ұйымы елдерінің денсаулық сақтау министрлерімен және ДДҰ Еуропадағы өңірлік бюросының директорымен кездесті. Тараптар денсаулық сақтау саласындағы өзара іс-қимылды кеңейту, заманауи медициналық технологиялар трансфері және денсаулық сақтау жүйесін жаңғырту мәселелерін талқылады. Қазақстанның медициналық көмек көрсету сапасын жақсарту, аурулармен күрес және фармацевтика саласындағы ынтымақ жоспарлары қаралды. Соңында денсаулық сақтау мәселелері бойынша Түркі мемлекеттері ұйымы елдерінің декларациясына, бірлескен іс-қимыл жоспарына, кадрлар даярлау және биологиялық қауіпсіздік бойынша меморандумдарға қол қойылды.
Олжас Бектенов, ҚР Премьер-министрі:
Түркі аймағындағы мемлекеттер басшыларының стратегиялық мақсат-міндеттерімен қолдауының арқасында біз өзара ықпалдастықтың ауқымын кеңейтіп, бірлескен бастамаларды жүзеге асырып келеміз. Өткен жылы денсаулық сақтау саласына салынған инвестициялар 8,4%-ға өсіп, шамамен $920 млн-ға жетті, оның үштен бірі жеке секторға тиесілі. Біздің бастамаларымызға ДДҰ айтарлықтай қолдау көрсетіп отыр.
