Жаңалықтарды Telegram арнамыздан оқыңыз!Мектептерде кәсіби бағдар беруші мамандардың саны артады. Бұл туралы Елордада жұмысшы мамандықтар жылы аясында өткен Халықаралық форумда айтылды.
Жиында Канада, АҚШ, Қытай, Гонконг, Үндістан елдерінен келген сарапшылар мен отандық білікті мамандар өзара пікір алмасты. Оқу-ағарту министрлігінің бастамасымен өткен шараның мақсаты – мектептер мен колледждер және жоғары оқу орындары арасындағы байланысты нығайту. Сондай-ақ, оқушыларды мамандық таңдауға бағыттау және қолдау.
Еділ Оспан, ҚР Оқу-ағарту вице-министрі:
Біз жұмысшы мамандықтар жылы аясында жұмысымыздың негізгі бағыты – кәсіби бағдар беру саласын дамытуға ерекше үлес қосамыз. Бұл бағытта министрлік наурыз айында жаңа бұйрыққа қол қойды. Ол бұйрыққа сәйкес, кәсіби бағдар беруші мамандығы мектептерде міндетті болады. Яғни бұған дейін 1200 кәсіби бағдар беруші ұсынымдық тәсілмен жұмыс жасаса, енді келер оқу жылында біз 8 мыңға жуық кәсіби бағдар беруіші пайда болады деп күтіп отырмыз.
Ақниет Балтанова
