![Волейболдан ҚР чемпионаты жалғасуда](https://cdn.qazaqstan.tv/old/articles/7/article_78986.jpg?w=928&h=522&format=jpg&resize=aspectfill&g=center)
Волейболдан Таразда өтіп жатқан ерлер арасындағы ел чемпионатының үшінші жарыс күні «ҚазХром» және «Атырау» командаларының арасындағы кездесумен басталды. Ойынның фавориті саналған «ҚазХром» кездесудегі басымдықты толықтай көрсете алды.
Алғашқы сет 25-17 есебімен аяқталып, хромтаулықтардың пайдасына шешілді. Бірақ, атыраулықтар да қарап қалмады. Келесі кезеңде қарсылық көрсетіп, есепті теңестірді.
Ал, қалған екі партияда басым түскен «ҚазХром» 3 ұпайға қол жеткізді. Ал чемпиондық бәсекеде топ бастап келе жатқан «Конденсат» «Есілмен» өткен ойында біршама терлеуге мәжбүр болды. Жеңімпаз 5-ші партияда анықталды. Бұл кезеңде «Конденсат» қарсыластарынан 15-8 есебімен басым болды.
Рүстем БАЙДӘУЛЕТОВ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Волейболдан ҚР чемпионаты жалғасуда&mh_tags=Qazaqstan&mh_page=https://qazaqstan.tv./news/24078/)