Жаңалықтарды Telegram арнамыздан оқыңыз!17 желтоқсан күні футболдан Испания чемпионатының 16-туры аясында мадридтік «Атлетико» өз алаңында «Лас - Пальмасты» қабылдайды. Бұл матчты «Kazsport» телеарнасы тікелей эфирде көрсетеді.
Диего Симеоне шәкірттерінің соңғы турлардағы көрсеткіштері нашар. Олар 15 турдан кейін 25 ұпаймен 6-шы орынға жайғасқан. Өткен турда мадридтік «Атлетико» Франсиско Эскриба жаттықтыратын «Вильярреалдан» 3:0 есебімен ойсырата жеңілген болатын.
Ал, «Лас - Пальмас» турнирлік кестенің дәл ортасында келе жатыр. Кике Сетьен қарамағындағы жігіттер 21 ұпаймен 10-шы орында келе жатыр. «Лас - Пальмас» футболшылары соңғы 3 турда қарсыластарымен ұпай бөліскен. Тіпті, осы маусымда әлі жеңіліп көрмеген мадридтік «Реал» да бұл клубтан айласын асыра алмады.
Командалар арасындағы соңғы кездесуде Диего Симеоне шәкірттері сырт алаңда 0:3 есебімен жеңіске жеткен болатын.
Естеріңізге сала кетейік, «Атлетико» - «Лас - Пальмас» кездесуін тікелей эфирде «Kazsport» телеарнасынан көре аласыздар. Трансляция басталуы 21:10-да. Сондай-ақ, kazsport.kaztrk.kz сайтында онлайн-көрсетілім жүргізіледі.
