Көктемгі тасқын қарсаңында сақтық шаралары күшейтілуде

Бүгін Төтенше жағдайлар министрі Божко жұмыс сапарымен Қызылордада болды. Алдымен қарғын судан әбігерге түскен Жаңақорған ауданына арнайы барып, жағдаймен танысқан соң министр дарияны жағалап көрді. 

 

Қазіргі таңда Шардара су қоймасынан дария арнасына секундына 1000 текше метр су жіберілуде. Оның 500-і Көксарай контрреттегішіне құйылып, қалғаны Сыр өзенімен төмен ағады.

 

Бүгінде сең көбесі сөгілді. Алайда облыстың солтүстік аудандарында мұз қалыңдығы 40 сантиметрді құрайды. Облыста 26 қауіпті аймақ бар. Соның 8-і қала тұсында. Осы орайда аймақ басшылығы өзен жағалауын қойтастармен бекіту үшін қаржы қажеттігін айтты.

 

Дәл мұндай таспен дарияның 7 жарым шақырымы көмкерілген. Енді 58 шақырымды ірі тастармен бекіту үшін 2 миллиард 40 миллион теңге қаржы керек.