Жаңалықтарды Telegram арнамыздан оқыңыз!Айтып келмейтін апаттар мен кенеттен әбігерге салатын зілзалалардың алдын алу үшін ақпараттық және инновациялық тәсілдерді қолданған жөн. Бүгін Алматыда бас қосқан Тәжікстан, Грузия, Әзірбайжан, Армения, Қырғыз Республикасының төтенше жағдай қызметінің мамандары осылай, деді.
Соңғы 20 жылда жердің климаттық өзгеруi мен өндiрiстiк технологиялардың күрделенуi түрлі төтенше жағдайлардың көбеюіне әкелді. Мысалы, соңғы 40 жыл iшiнде табиғи апаттардан келген залал 9 есеге, ал олардың болу жиiлiгi 5 есеге өстi.
Әсіресе, күн жылынуынан Еуропа мемлекеттеріндегі су тасқыны мен Жапон еліндегі жер сілкінісінен келген шығын қисапсыз. Сондықтан, халықаралық мамандар, осы уақытқа дейін қолданылып келген «ХИОГ» бағдарламасын жетілдіріп, 2015 жылдан әрі қарай ортақ тұжырымдама қолдануды ұсынды.
Сырым Ғаббасов, ҚР ТЖМ Стратегиялық жоспарлау, ақпараттық талдау жұмыстары, ғылым және жаңа технологиялар департаментінің директоры:
Қазақстан төтенше жағдайлардың алдын алуға бағытталған бағдарламаларды үздіксіз жүргізеді. Мемлекет басшысының тікелей тапсырмасымен қауіпсіздік шаралары пысықталып, қажетті заң да қабылданған. Арнайы мемлекеттік платформа бар. Көрші елдермен тығыз қарым-қатынас орнатқанбыз. Құтқарушы мамандар дайындық жаттығуларын бірге жүргізіп, тәжірибе алмасуда.
Әйгерім МУСИНА
