Шығыс Қазақстан облысында «Алиментті төле!» акциясы өтуде

Шығыс Қазақстанда  алимент бойынша қарызы бар азаматтар туралы мәліметтерді жасырған есепшілер әкімшілік жауапқа тартылды.

 

Аймақтық Сот актілерін орындау департаменті-әзірге заңды өрескел бұзған осындай 3 есепшіні жауапқа тартты.

 

Енді лауазымды тұлғалар мемлекетке 10 айлық есептік көрсеткіш көлемінде айыппұл төлейді.

 

«Алиментті төле!» атты акцияны өңірдегі сот орындаушылар 1-маусым - Халықаралық балаларды қорғау күніне орай ұйымдастырды.

 

Олар арнайы жедел топтар құрып, баласының алдындағы әкелік міндетінен бас тартқан борышкерлердің үйлерін аралады.

 

Шара кезінде 24 азаматтың ісі сотқа жолданып, бірнеше адамның мүлкі тәркіленді. 9 адамға іздеу жарияланды.

 

Асхат Жүнісов, облыстық Сот актілерін орындау департаменті басшысының орынбасары:

Есепшілер борышкерлердің жалақысынан алиментті тиісті пайызда ұстамайды. Ұсталған ақшаны дұрыс аудармайды. Сонымен қатар,  аударғаны жөнінде бізге мәліметтер бермейді. 

 

Берік КӨШЕРБАЕВ