Жаңалықтарды Telegram арнамыздан оқыңыз!Ақмола облысы Зеренді ауылының өсіп өнуіне елеулі үлес қосып отырған егінмен айналысатын шаруашылық бар. Бұл шаруашылықтың ерекшелігі Кеңес Үкіметі кезінде құрылып, Тәуелсіздік алған жылдары жабылып қала жаздаған агротехникалық кешенді сақтап қалды.
Мемлекеттің меншігінде болған агротехникалық кешен 2001 жылы «Сенім Жер» жауапкершілігі шектеулі серіктестігіне беріледі. Содан бері тұралап қалған шаруашылықтың бойына қайтадан қан жүгіре бастады. Кешендегі техниканы пайдаланып серіктестік мыңдаған гектар жерге бидай мен майлы дақылдарды өсіруді қолға алған.
Ерболат ТӨЛЕГЕНҰЛЫ
