![Алматы балабақшасындағы төтенше жағдайдан зардап шеккен балалардың жағдайына қатысты мәлімдеме жасалды](https://cdn.qazaqstan.tv/old/articles/7/article_72588.jpg?w=928&h=522&format=jpg&resize=aspectfill&g=center)
Алматы балабақшасындағы төтенше жағдайдан зардап шеккен балалардың жағдайына қатысты дәрігерлер мәлімдеме жасады.
Оқиғадан зардап шеккен сегіз баланың жағдайы бірқалыпты. Емделіп, тексеруден өткен алты бала ауруханадан шықты.
Олар дәрігерлердің жіті қадағалауында болады. Әзірге балабақшаға жіберілмейді.
Зардап шеккен балалардың екеуі орталықта қалды. Жансақтау бөлімінен жалпы бөлімге ауыстырылды.
Еске сала кетейік, Алматыда қатты жылдамдықпен жүрген «Toyota Land Cruiser» көлігі №58 балабақшаның дуалын қиратып, ауладағы балаларды жарақаттаған еді.
Нұрлан НАУРЫЗАЛИЕВ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматы балабақшасындағы төтенше жағдайдан зардап шеккен балалардың жағдайына қатысты мәлімдеме жасалды&mh_tags=Qazaqstan&mh_page=https://qazaqstan.tv./news/40689/)