Ақтаулық ұстаз Көркембай Алданиязов 80 жасында экономика ғылымдарының докторы атанды

Көркембай ақсақал «кісі ақылымен көрікті» деп есептейді. Ол 80 жасында Мәскеуде Губкин атындағы университетте ғылыми диссертация қорғады. Тақырыбы «Өндірістік шығындарды стратегиялық басқарудың кешенді жүйесін жетілдіру».

Бұл жоба мұнай игеру саласына серпін беруі тиіс. Ғалым шығынды азайтып, сатудан мол пайда түсіру мазмұнындағы ғылыми жұмысына 10 жыл тер төкті. 350 беттен тұрады. Еңбегі ескерілді, енді өңірдегі іргелі кәсіпорындар әдістеме ретінде қолданады.

Сексенді бағындырған ақсақалдың сөзі де өзі де тың. Күнде ертемен гір тасын ұршықша иіреді. Өнегелі өмірі көпке үлгі болса, ғылыми жұмысы елдің экономикалық әлеуетін арттыруға пайда әкелері сөзсіз.

Нысаналы ЫҒЫЛ