Жаңалықтарды Telegram арнамыздан оқыңыз!Астаналық кәсіпкер арнамызға хабарласып, елордада жалған жарнамашы бар екенін жеткізді. Айтуынша, алаяқ әйел кәсіпкерлерге журналға шығып, бизнестерін жарнамалауды ұсынады. Кейін ақшасын алысымен түрлі сылтаулар айтып, кездесуден бас тартатын көрінеді. Қазіргі таңда алаяқтан ондаған кәсіпкердің зардап шеккені белгілі болды.
Мәселен, астаналық Гүлнар Махмутова «салонын жарнамалаймын» деп сан соғып қалған. Өзін «журналдың директорымын» деп таныстырған әлдебір келіншек оған бизнесі жайлы мақала жариялауды ұсынған. Кәсіпкердің сеніміне кіру үшін журналшы фотосессия жасатып, келісімшартқа да қол қойған. Ал ақшасын алысымен, ізім-қайым жоқ болған.
