Жаңалықтарды Telegram арнамыздан оқыңыз!Бұл туралы бүгін Астанада жұмыс істеп жатқан польшалық «Селена Груп» компаниясының 25 жылдығына орай ұйымдастырылған баспасөз жиынында айтылды. Құрылысқа қажетті заттарды шығаратын зауыт әлемдік деңгейде танымал. Қазақстандағы бөлімшесін осыдан 15 жыл бұрын ашқан.
Астана экономикалық аймағында орналасқан кәсіпорын осы аралықта тауар айналымын 20 есеге өсіріп, республикалық бюджетке 1 миллиард теңгеден астам салық төлеген. Бірлескен жоба аясында жұмыспен қамту мәселесі де оң шешімін тапты.
Шара барысында компания өкілдері өздерінің заттарын таныстырып, отандық өнімдердің еуропалық стандарттарға сай келетінін дәлелдеді. Баспасөз мәслихатынан кейін, зауытты Польша Республикасының президенті Анджей Дуда аралады.
