Жаңалықтарды Telegram арнамыздан оқыңыз!Алдағы уақытта пойызбен тасымалданатын көмірдің станцияларда ұрлануына жол бермеу үшін «Әскери күзет» мамандары пойыз машинистерімен бірге жүретін болды. Бұл туралы Инвестициялар және даму министрлігіне қарасты көлік комитеті төрағасының орынбасары мәлімдеді. Мұндай қадамға баруға көмір ұрлығының жиілеп кеткендігі себеп. Тіпті кей елді мекендерде арнайы топтар жасақталып әр вагоннан 2-3 тоннадан көмір түсіріп алған.
Дмитрий Потлов, ҚР ИДМ Көлік комитеті төрағасының орынбасары:
Бұл өте күрделі мәселе. Біз көмірді де әскери күзет мамандарының бақылауымен тасымалданатын жүктер қатарына жатқызуды қарастырып жатырмыз. Әр вагондар құрамында 2-3 адам қатар жүріп, жүктің қолды болмауын қадағалайтын болады.
Елдос САПАРҒАЛИ
