Жаңалықтарды Telegram арнамыздан оқыңыз!Астанада діни мамандар дайындау орталығы ашылды. Жаңа нысан жұмысын бастап та кеткен. Қазіргі уақытта онда өңірлерден келген 60 имам дәріс тыңдап жатыр. Игі іс «ХХІ хасырдың үздік имамы» жобасы аясында жүзеге асырылды. Республиканың діни қызметкерлері мұнда 2 ай көлемінде біліктіліктерін арттырады, білімдерін шыңдайды. Орталық демеушілердің көмегімен салынған. Қос қабатты ғимараттың дәрісхана, асхана, жатақханасы бар. Білім алу үшін барлық мүмкіндіктер қарастырылған.
Ержан Қажы Малғажыұлы, Қазақстан мұсылмандары діни басқармасының төрағасы, Бас мүфти:
- Имам тек қана діни ілімімен ғана шектелмеу керек. Ол зайырлы ілімдерді де меңгерген болуы керек. Осы мақсатта бүгінгі орталықта тек Құран менен хадистен сабақ берілмейді, дәріс оқылмайды. Бұл жерде үлкен профессорлар келіп, шешендік өнер, психология, тағы да басқа зайырлы ілімдерден дәріс жүргізетін болады. Қазақстан тарихы, шетел тарихы, діндер тарихы бар.
Оңғар АЛПЫСБАЙ
