Жаңалықтарды Telegram арнамыздан оқыңыз!«Қазақ елі» монументі алдындағы алаңда Нұрсұлтан Назарбаевты Қазақстан халқы Ассамблеясының этномәдени орталықтарының өкілдері өздерінің ұлттық дәстүрін көрсетіп, ән айтып, би билеп қарсы алды. Мерекелік концерт аясында елордалық ұлттық-мәдени бірлестіктері шығармашылық ұжымдарының, Астана қаласы мемлекеттік академиялық филармониясы әртістерінің және отандық эстрада жұлдыздарының қатысуымен «Рухани жаңғыру – бірлік пен тұтастық» атты театрландырылған қойылымы көрсетілді. Шара соңында Елбасы Нұрсұлтан Назарбаев барша қазақстандықтарды және салтанатты шараға қатысушыларды мемлекеттік мерекемен құттықтады.
Ғабит ҰЗАҚБАЙ
