Жаңалықтарды Telegram арнамыздан оқыңыз!Өңірге 76 медицина қызметкері қажет. Денсаулық сақтау басқармасы таратқан мәлімет бойынша қазір облыста 7 мыңнан астам дәрігер бар. Дегенмен, медицина саласына сауатты, білікті мамандар әлі де жетіспейді. Мәселен, Ақтөбе қаласының өзінде 30-ға жуық, аудандарға 40-тан астам дәрігер керек. Жалпы, маманмен қамту көрсеткіші бойынша Ақтөбе облысы республикада төртінші орында келеді.
Әсет Қалиев, Облыстық денсаулық сақтау басқармасының басшысы:
- Бізге арнайы бағыттағы дәрігерлер анестезиолог, реаниматолог 17 дәрігер керек. Ақтөбе медициналық орталығына, балалар ауруханасына үш анестезиолог керек және акушер-гинекологқа да сұраныстар бар.
Бердібек Сапарбаев, Ақтөбе облысының әкімі:
- Жалпы, 76 деген онша көп емес. Біріншіден, заң бойынша жас мамандарды пәтермен, көтерме ақы, жол шығыны, баспанамен қамтамасыз ету керек. Ол заңда қарастырылған.
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
