Жаңалықтарды Telegram арнамыздан оқыңыз!Іріңді менингитке шалдығып, комаға түскен сарбаз қайтыс болды. Дәрігерлер екі аптадан бері оның өмірін сақтап қалу үшін қажетті ем жасады. Алайда, нәтиже шықпады. Жауынгер, Ақтаудағы 66/56 әскери бөлімінде борышын өтеп жүрген. 26 қыркүйек күні өзін жайсыз сезінген ол әскери дәрігерге қаралған. 5 күннен кейін аса ауыр жағдайда Облыстық жұқпалы аурулар ауруханасының жансақтау бөліміне жатқызылды. Сараптама қорытындысы оның іріңді менингит ауруына шалдыққанын анықтады.
Азамат Сәрсенбаев, Маңғыстау облыстық Денсаулық сақтау басқармасының баспасөз хатшысы:
- Жағдайы ауыр сарбаз 14 қазанда сағат 9:30 шамасында қайтыс болды. Науқасты емдеуге тәжірибелі дәрігерлер тартылды. Бірақ, өкінішке қарай, оны құтқару мүмкін болмады.
Аягөз ОРАЛБАЙҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
