Жаңалықтарды Telegram арнамыздан оқыңыз!Туындының авторы - керекулік жазушы Серік Елікбай. Бүкіл қазақтың басын біріктіріп, мемлекет тұтастығын биікке көтерген хан Абылайдың төңірегіне топтасқан батырлар Қанжығалы Бөгенбай, Қаракерей Қабанбай, Шапырашты Наурызбай есімдері ерекше айтылады. Төл әдебиетіміздегі ақын-жыраулардың терең әрі тамсана жырлағаны да осы тұлғалар. Жаңа шығармада қазақтың тау тұлға ұлы жайлы бұрын-соңды айтылмаған тың деректер бар. Автор Бөгенбай Ақшаұлының батырлығынан бөлек, қырлары жайлы баяндайды. Оның рухани жан-дүниесі, бітімгерлік қасиеті, соғыстағы әдіс, айла қолдану шеберлігін нақты деректерге сүйене отырып көрсетеді. Ең бастысы, қолбасшылық бейнесіне айрықша маңыз берген.
Серік Елікбай, кітап авторы:
- Бүкіл ғұмыры қазақтың тағдыры, тарихынан тыс емес. Демек, менің ұғымымда бөлек батыр емес, ұлттық, мемлекеттік батыр. Мүмкін мемлекетшіл батырлардың ішіндегі соңғысы да шығар. Соны қамтуға тырыстым. Сол кездегі қазақтың ішкі-сыртқы жағдайы, қазақтың ішкі жаулары, негізгі жаулары кім екендігін айтуға тырыстым. Ары қарай бағасын оқырман өзі береді.
Болат АМАНБАЕВ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
