Кәсіпорындар үштік одақтан не күтеді?

«Еуразиялық экономикалық одақ құрылса, тұтыну нарығы аясының кеңейіп, еңбек ресурстарының еркін қозғалысынан ұтарымыз анық», дейді отандық өнім өндірушілер.

 

Қарағанды облысындағы 600-ден астам кәсіпорын  өз өнімдерін Ресей мен Беларусь елдеріне өткізуде.

 

Сөйтіп, бір  жылдағы үштік одақ елдерімен тауар айналымы  2 миллиард долларға жетіп отыр.

 

Сондай-ақ, Кеден одағы кеңістігін ұтымды пайдаланып, өндірісін өрістеткен кәсіпорынның бірі - Орал сауда-өнеркәсіп компаниясы.

 

Жылына 7 мың тонна өнім шығаруға қуатты жаңа цех, экспорттық әлеуетті арттыруға бағытталған. 

Дайын өнімдер  Ресейдің Орынбор және Саратов облысында үлкен сұранысқа ие.

 

Дмитрий Малахов, кәсіпорын директоры:

2013 жылы 11 мың тоннадан астам өнім өндіріп, оның 17 пайызын шет мемлекетке шығардық. Ал, биыл өндіріс қуатын ұлғайтып, экспорттың үлесін 20 пайызға жеткізуді көздеп отырмыз. Үштік одақ елдерінен бөлек, біз өнімді Қырғыз Республикасы мен Өзбекстан мемлекеттеріне де тасымалдаймыз.

 

Валерий Крылов, Орал сауда-өнеркәсіп компаниясының директоры:

Ықпалдастық артып, Кеден одағы елдері кәсіпорындарымен сауда-экономикалық байланыс беки түседі. Бұл - Еуразиялық экономикалық одақтың басты артықшылығы. Мұның өзі түптеп келгенде өндірістің дамуына серпін береді. Қазір Ресейге өнім шығару туралы келісімшартқа қол қойдық. Бұған қоса, Беларусьтағы әріптестермен келіссөздер басталды.

 

Рауан ДИӘЛИ