Жаңалықтарды Telegram арнамыздан оқыңыз!Қызылорда облысы бойынша коммуналдық меншіктегі мемлекеттік сектордың 8 нысаны, ал, «Байқоңыр әлеуметтік кәсіпкерлік корпорациясы» акционерлік қоғамының 11 еншілес компаниясы жекенің қолына өтеді.
Олар - «Нұрсәт» теннис орталығы, «Сырдария» балалар сауықтыру лагері, Салауатты өмір салтын қалыптастыру орталығы, Арал қалалық шаруашылық жүргізу құқығындағы көпсалалы коммуналдық кәсіпорын, Тілдерді оқытудың өңірлік орталығы және басқалары.
Аталған нысандарды сатылымға қою кезең-кезеңімен жүзеге асырылмақ.
Ринат Құдайбергенов, облыстық Қаржы басқармасы басшысының міндетін атқарушы:
Биылғы жылы біз бір кәсіпорынды жеке секторға беруді жоспарлап отырмыз. Ол қараша айында жүзеге асырылмақшы. Бұл кәсіпорын Тілдерді оқытудың өңірлік орталығы. Сонымен қатар, тамыз айында «Байқоңыр» әлеуметтік-кәсіпкерлік корпорациясының бір нысаны жеке секторға берілді. Оған қоса тағы екі нысанды жеке секторға беру жоспарланып отыр. Жалпы, үстіміздегі жылы корпорацияның 5 нысанын жеке секторға беру жоспарланған.
Гүлжан ҚАЛТАЙҚЫЗЫ
