Жаңалықтарды Telegram арнамыздан оқыңыз!Әр арыз-шағымды жеке қарап, оң шешім қабылдауға тырысамын. Бүгін Nur Otan партиясы жанындағы қоғамдық қабылдауға қатысқан ҚР Ақпарат және қоғамдық даму министрі Дәурен Абаев осылай деді. Министр 10-ға жуық қазақстандықтың мәселесін тыңдап, тығырықтан шығу жолдарын ұсынды.
Интерактивті тақта арқылы еліміздің бірқатар өңіріндегі азаматтардың проблемаларын қағазға жазып алды. Алдағы уақытта барлық өтініштерге министрлік өкілдері жазбаша жауап бермек. Жалпы, Республикалық қоғамдық қабылдау бөлмесіне биыл 22 рет түрлі министрлік жетекшілері келіп қатысқан. Онда көтерілген мәселелердің 50 пайызы оң шешілген.
Ғабит БӨКЕНБАЙ
