Испанияның Барселона қаласында Каталонияның тәуелсіздік туралы референдумын қолдаған студенттер екі күн бойы ереуіл ұйымдастырмақ. Жастар мұндай қадамға баруына өздері оқитын университеттің үкіметке қарсылық білдіргені үшін жабылуы итермелеген. Студенттер оқу орны маңында адамдарға үнпарақтар таратып, баннерлер мен плакаттар ұстап шықты. Олардың пікірінше, Каталония халқының дауыс беру құқығы бар және референдум қазанның 1-де міндетті түрде өтуі тиіс. Конституциялық кеңес болса, оған тыйым салып отыр.
Испанияда бұл дау талай жылдан бері жалғасып келеді. Болжамдар бойынша референдум өткен жағдайда каталониялықтардың басым бөлігі тәуелсіздікті қолдап дауыс беруі мүмкін.
Мақпал СЕРЖАНҚЫЗЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Барселонада студенттер ереуілі басталды&mh_tags=Qazaqstan&mh_page=https://qazaqstan.tv./news/70691/)