Жаңалықтарды Telegram арнамыздан оқыңыз!АҚШ президенті Дональд Трамп келесі аптада Иранмен арадағы ядролық келісімнің күшін жоятынын жарияламақ. Мұны «Вашингтон пост» газеті хабарлады. Осының нәтижесінде Ислам Республикасына қарсы санкциялар қайта жандануы мүмкін. Сонымен қатар, Таяу Шығыста жанталаса қарулануға жол ашылып, аймақтағы шиеленіс тіпті күшейеді деген болжам бар.
Ресми Тегеран болса, өзінің атомдық бағдарламасын шектеген келісімді бірінші болып ешқашан бұзбайтынын ескертті.
Трамптың ойынша, Иран режимі Таяу Шығыста терроризмді қолдап, зорлық-зомбылық пен аласапыранның белең алуына себепші. Сондықтан, оның басқыншылығы мен ядролық амбициясына нүкте қойылуы керек. Ислам Республикасы болса, өзіне тағылған мұндай айыптардың бәрін жоққа шығарып келеді.
Арыстан РЫСБЕК
