Жаңалықтарды Telegram арнамыздан оқыңыз!Бүгін Гонконгта пойыздар тоқтап, мыңдаған адам баратын жеріне жете алмады. Жергілікті темір жол басқармасының мәлімдеуінше, бұған белгі беру жүйесінің істен шығуы себеп болған.
Соңғы деректерге қарағанда, пойыздар таңертеңгі қарбалас кезінде екі сағат бойы жүрмеген. Дәлірек айтсақ, станциялар арасында жолаушылары бар 14 пойыз тұрып қалған. Адамдарды арнайы автобустар жіберіп алып кетуге тура келді.
Қазір сигнал жүйесі қалпына келтіріліп, темір жол қатынасы қайта жанданды деген мәлімет бар. Айта кетсек, Гонконгта бір күнде 5 миллондай адам пойызбен жүреді.
Мақпал СЕРЖАНҚЫЗЫ
