Жаңалықтарды Telegram арнамыздан оқыңыз!Сирияның солтүстік-батысында Түркияның әскери конвойына әуеден соққы беріліп, үш бейбіт тұрғын қаза тауып, 12-сі жараланды. Айта кетсек, бұл оқиға Сирия армиясы көтерілісшілермен соғыста басымдық байқатқан шақта болып отыр.
Анкара осы аймақта кейбір оппозициялық күштерді қолдап отыр. Және де Түркия Сирия үкіметінің одақтасы - Ресеймен жасалған келісім бойынша Идлиб провинциясына он шақты әскери бекет орнатқан еді. Сондағы мақсаты – жеңіліске ұшырап жатқан оппозиция қарамағындағы аудандардан түрік жеріне миллиондаған босқынның өтуіне жол бермеу.
Дегенмен, бұған дейін араб ақпарат құралдары Сирияға түрік қарулы күштерінің кіруін басқыншылық актісі деп атады.
Арыстан РЫСБЕК
