Жаңалықтарды Telegram арнамыздан оқыңыз!Үш сағатқа созылған Үкіметтің кеңейтілген отырысында Президент министрлер мен әкімдерді бірнеше рет орындарынан тұрғызды. Іске мығымдарды жігерлендіріп, шаруасы шалаларға ескерту жасады.
Жиын кезінде шенеуніктердің өздігінен бастама көтермейтініне де қынжылыс білдірді. Өйткені, маңызды жиынға келіп, жұмған ауыздарын ашпай, бастарын шұлғыған күйі кететіндер бар.
Президент оның үстіне әкімдерге «кердеңдемей, кеуде кермей, жұртқа жақындаңдар» деп батырып-батырып айтты.
Жалпы, әкімдер кеңейтілген жиыннан қандай ой түйіп шықты? Үнемді олар неден бастамақ? Осы сауалдан тартып, өңірдегі тыныс-тіршілікке қатысты біз Атырау облысының әкімімен арнайы сұхбат құрдық.
