![Астанада EXPO-2017 көрмесіне қатысушы мемлекеттер бас қосуда](https://cdn.qazaqstan.tv/old/articles/6/article_66084.jpg?w=928&h=522&format=jpg&resize=aspectfill&g=center)
Астанада EXPO-2017 көрмесіне қатысушы мемлекеттердің бірінші кездесуі өтуде.
Тәуелсіздік сарайында өтіп жатқан шараға әлемнің 86 мемлекетінен 200 өкіл, Халықаралық көрмелер бюросының басшылығы, ЭКСПО Комисссары хатшылығының қызметкерлері, «Астана ЭКСПО-2017» ҰК» АҚ өкілдері қатысуда. Отырыс екі күнге жалғасады.
«Шара міндеттерінің бірі - әлеуетті халықаралық қатысушыларды Қазақстанның EXPO-2017 көрмесін ұйымдастыру үшін барлық қажетті әкімшілік материалдық ресурстарға ие екенін көрсету», - деді «Астана ЭКСПО-2017» ҰК» АҚ басқарма төрағасы Талғат Ермегияев.
Сонымен қатар, ертең Астанада Халықаралық форум жұмысын бастайды. Форум барысында «Астана ЭКСПО-2017» ҰК» АҚ департаментінің басшылары көрме жобаларының басты салалары бойынша таныстырылып өткізеді.
Форумға қатысушылардың назары Қазақстанда «Болашақ энергиясы» симпозиумын өткізуге орай қолға алынған жұмыстарға аударылмақ. Сондай-ақ, көрме тақырыптарын талқылау жоспарланған, деп хабарлайды қалалық әкімдіктің баспасөз қызметі.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Астанада EXPO-2017 көрмесіне қатысушы мемлекеттер бас қосуда&mh_tags=Qazaqstan&mh_page=https://qazaqstan.tv./news/77266/)