Жаңалықтарды Telegram арнамыздан оқыңыз!ХІІІ Еуразиялық медиафорум қатысушылары ЕХРО қалашығын аралады. Делегаттар халықаралық көрменің құрылыс барысымен танысып, алдағы уақытта жүзеге асатын жобалардан хабардар болды.
Қонақтарға «Болашақ энергиясы» тақырыбының өзектілігі мен адамзат үшін тиімді тұстары баяндалды.
Жиынға қатысушылардың басым бөлігі бас шаһарда өтетін көрмеге жоғары қызығушылық білдіріп, келер жылы Астанаға келуге ниет танытты, деп хабарлайды ҚазАқпарат.
«Бой көтеріп жатқан сәулет нысандары ерекше әсерге бөлейді. ЕХРО қалашығының жобасы бойынша жұмыс істеп жатқан адамдар өте талантты. Мен көрмені тамашалауға міндетті түрде келемін», - деді израильдік сәулетші Шани Камине.
