Жаңалықтарды Telegram арнамыздан оқыңыз!19-шы қарашадан бастап «Kazsport» телеарнасы футболдан Испания чемпионатын трансляциялай бастайды, деп хабарлады Ақпарат және коммуникациялар министрі Дәурен Абаев facebook-тегі жеке парақшасында.
«Спортсүйер қауымды, әсіресе, футбол жанкүйерлерін қуантатын мына бір жаңалықты өздеріңізбен бөлісіп қойғым келеді. 19-шы қарашадан бастап «Kazsport» телеарнасы футболдан Испания чемпионатын трансляциялай бастайды. Қазақстандық тарап үшін тиімді болған бұл келісімге трансляциялау құқығының иелерімен арадағы жүйелі келіссөздің арқасында қол жетіп отыр. Қалың көрерменнің сұранысына ие жобаларды отандық телевиязияға тарту жұмыстары одан әрі жалғаса бермек», - деді Дәурен Абаев.
