Озық ойлы жастар марапатталды

Бүгін 17 оқушы Ғаламдық экологиялық қордың мың долларлық грантын ұтып алды. Олар «Қазақстандағы жасыл экономика: жетістіктер мен тәжірибелер» атты республикалық форумда марапатталды. Конкурсқа 7 облыстан елу жұмыс келіп түскен.

 

Жеңізпаздарды анықтау кезінде ұсынылған жобалардың экологиялық тазалығына, күн мен желді энергияға айналдырып, оны тиімді пайдалану жағына мән берілді. Грантқа лайық деп танылған 17 жұмыс форум аясында ұйымдастырылған көрмеге қойылып, көпшілікке таныстырылды. Игі бастама келер жылы да жалғасын табады.