«Астана» радиосындағы «Мен қазақпын!» бағдарламасының үздік хабарлары топтастырылған «Мәңгілік ел – ұлт мұраты» дискісінің таныстырылымы өтті (ФОТОРЕПОРТАЖ)

«Астана» радиосы Тұңғыш Президент күні мен Тәуелсіздіктің 25 жылдығына орайластырылған «Мен қазақпын!» ақпараттық-танымдық бағдарламасының 10 жылдығы аясында «Мәңгілік ел – ұлт мұраты» атты мерекелік шара өткізді.

Шара аясында  зиялы қауым өкілдері мен журналистердің қатысуымен Тәуелсіздік шежіресін дәріптейтін үздік хабарлар топтамасы ұсынылған «Мәңгілік ел - ұлт мұраты» атты дискінің таныстырылымы өтті.

Дүйсенбі мен жұма аралығында бес түрлі тақырып аясында эфирге шығатын жобаның  авторы және жетекшісі - Базаргүл Сейітжанқызының айтуынша, бағдарлама жастарды отаншылдық бағытта тәрбиелеп, ұлттық руханияттың дамуына үлесу қосу үшін эфирге шықты.

«Мен қазақпын!» бағдарламасының шығармашылық  ұжымы Елбасы Н.Ә.Назарбаевтың Алғыс хаты (2010) мен «Шабыт» республикалық байқауының бас жүлдесі (2006) және басқа да марапаттарға ие.