Жаңалықтарды Telegram арнамыздан оқыңыз!Бүгін еліміздегі барлық мектептерде алғашқы оқу аптасы басталды. Жыл өткен сайын мектепке баратын балалар саны артып келеді.
Биылғы оқу жылында 3 миллионнан астам оқушы еліміздегі 7024 мектептің табалдырығын аттады. Оның 350 мыңы 1-сыныпқа барды. Осы жылы республикалық бюджеттен 53 миллиард теңге бөлініп, оған 110 мектеп салынбақ. Жаңа нысандардың бой көтеруі - Елбасының үшауысымды мектеп мәселесін шешу бойынша жүктелген міндеттің орындалуы.
Осы жылғы оқу маусымында жаңадан 72 білім ордасы пайдалануға берілмек. Оның 49-ы есігін 1 қыркүйекте ашса, жыл соңына дейін қалған 23 мектеп салынып бітеді деген жоспар бар. Аталмыш 72 мектептің үшеуі Ақмола облысында, 9-ы - Ақтөбеде, Алматы облысында - 6, ШҚО - 1, Жамбылда - 4, БҚО - 3, Қарағандыда - 3, Қызылордада- 5, Маңғыстауда - 8, Түркістанда - 20, Алматыда -7, Астана қаласында - 3 мектеп.
Фариза МҰСАҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
