![Оқушылардың қалай ұшынғандығы анықталды](https://cdn.qazaqstan.tv/old/articles/7/article_76641.jpg?w=928&h=522&format=jpg&resize=aspectfill&g=center)
Семейдегі №19 мектепте оқушылардың жаппай ұшынуы бойынша тексерудің нәтижесі жарияланды. Анықталғандай, балалар «сальмонеллездік инфекция» жұқтырған. Ал, оны тасымалдаушы асхана жұмысшысы екендігі белгілі болды. Мұны арнайы жүргізілген сараптамадан кейін эпидемиолог мамандар айтып отыр. Жалпы мектептегі тағамнан ұшынған деген күдікпен 70 бала тіркеуге алынған. Қазір 32 оқушы жұқпалы аурулар емханасында ем қабылдап жатыр. Оған қоса, екі ересек адам да инфекция жұқтырған. «Қазір барлық науқастардың жағдайлары қалыпты»,-дейді дәрігерлер. Ал, жұқпалы дерттің таралуына кінәлілерге қатысты шара қолданылады.
Ержан ЖАҚЫП
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Оқушылардың қалай ұшынғандығы анықталды&mh_tags=Qazaqstan&mh_page=https://qazaqstan.tv./news/82072/)