«Клиникалық зерттеулердің денсаулық сақтау саласындағы рөлі». Алматыда осындай атаумен педиатрлардың басқосуы өтті. Жиында мамандар осы саланың елімізде кенже қалғанын айтты. Дегенмен, клиникалық зерттеулер балалар арасындағы өлім-жітімді азайтуға мол мүмкіндік беріп отыр. Сондықтан, білікті кадрлар аталған заң аясында жүйелі жұмыс жүргізбек.
Риза Боранбаева, Педиатрия және балалар хирургиясы ғылыми орталығының төрайымы:
- Әлемнің дамыған елдерінде клиникалық зерттеулер жасау бұрыннан жолға қойылған. Мәселен, АҚШ, Еуропа мемлекеттерінде. Көрші Ресейде де бұл бағытта жұмыс жүйелі жүргізіледі. АҚШ-та жылына 10 мың клиникалық зерттеу жасаса, бұл көрсеткіш көрші Ресейде 1000-ға жетеді. Бізде бұған дейін мұндай мүмкіндік болған жоқ. Енді клиникалық зерттеулер туралы заң қабылданғаннан кейін мол мүмкіндіктер берілді.
Нұрлан АСҚАРҰЛЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда педиатрлар бас қосты&mh_tags=Qazaqstan&mh_page=https://qazaqstan.tv./news/82908/)