Жаңалықтарды Telegram арнамыздан оқыңыз!Британияның 10 аймағындағы соттар мен полиция бөлімшелерінде сынақтық бағдарлама аясында психиатрлар жұмысқа алынбақшы. 41 миллион долларлық бағдарламаның мақсаты – полицейлердің психикалық ауытқушылығы бар сотталушылармен арадағы жұмысын жеңілдету.
Британияның денсаулық сақтау департаментінің хабарлауынша, түрмеге түскендердің дені психикалық ауытқуы бар, есірткі пайдаланатын немесе ақыл-ес кемдігі дертінен зардап шегетін адамдар.
Бағдарлама Корнуолл қаласында жүзеге асырылуда. Әрі нәтижесі де жаман емес. Жүйкесі зақымданған адамдардың екінші қайтара қылмыс жасауы 49 пайызға кеміген. Соңғы мәліметтерге қарағанды полицейлер 15-25 пайыз уақыттарын дәл осындай жүйкесі жұқарған адамдармен өткізген.
Бағдарлама сәтті жүзеге асар болса, 2017 жылы оны бүкіл ел бойынша қолданысқа енгізбекші.
